ប្លកផល្លា
ប្រកាស ចុងក្រោយបំផុត
ការដំឡើងថ្លៃទំនិញ និងសេវាកម្មនៅពេលបុណ្យទានធំៗ នៅតែចោទជាបញ្ហា
ការដំឡើងថ្លៃទំនិញនិងសេវាកម្មនៅពេលបុណ្យទានធំៗនៅតែចោទជាបញ្ហា។ តើមូលហេតុអ្វីបានជាអ្នកជំនួញដំឡើងថ្លៃនៅពេលនេះ? តើគេអាចប្រើប្រាស់វិធានការដើម្បីបញ្ចុះតម្លៃបានឬទេ? ការដំឡើងថ្លៃទំនិញនិងសេវាកម្មនៅពេលមានបុណ្យទានធំម្តងៗនៅតែជាប្រធានបទក្តៅគគុកដដែលរវាងអ្នកប្រើប្រាស់និងអ្នកជំនួញ។ អ្នកលក់ដូរនៅក្នុងប្រទេសកម្ពុជាតែងតែឆ្លៀតឧិកាសបុណ្យប្រពៃណីជាតិនិងបុណ្យអន្តរជាតិម្តងៗដើម្បីដំឡើងថ្លៃទំនិញនិងសេវាកម្មកប់ពពក។ នៅក្នុងពិធីបុណ្យភ្ជុំបិណ្ឌឆ្នាំនេះ សេវាដឹកជញ្ជូនបានសម្រេចចិត្តដំឡើងថ្លៃលើសពី៥០ភាគរយ។ ការធ្វើដំណើរពីភ្នំពេញទៅក្រុងប៉ៃលិននៅថ្ងៃធម្មតាមានតម្លៃតែ៥ដុល្លារក្នុងមួយនាក់ប៉ុន្តែសម្រាប់ថ្ងៃបុណ្យភ្ជុំបិណ្ឌ តម្លៃបានកើនឡើងដល់៨ដុល្លារក្នុងម្នាក់។ សេវាដឹកជញ្ជូនតាមរថយន្តក្រុងពីភ្នំពេញទៅកាន់ខេត្តសៀមរាបបានឡើងថ្លៃក្នុងកម្រិតដូចគ្នាដែរ។ ក្រៅពីសេវាកម្មធ្វើដំណើរ សេវាកម្មស្នាក់នៅនិងសេវាកម្មម្ហូបអាហារនៅតាមបណ្តាទីរមណីយដ្ឋានមួយចំនួន តម្លៃក៏ត្រូវបានគេដំឡើងដែរ។ ការដំឡើងថ្លៃទំនិញនិងសេវាកម្មនៅពេលបុណ្យធំៗបង្កអោយមានការខឹងសម្បាពីសំណាក់អតិថិជនគ្រប់រូប។ សាលារាជធានីភ្នំពេញបានប្រកាសអំពាវនាវដល់ម្ចាស់សេវាកម្មដឹកជញ្ជូនទាំងឡាយកុំអោយដំឡើងថ្លៃសេវាកម្មនៅពេលបុណ្យភ្ជុំបិណ្ឌនេះ។ សាលាក្រុងភ្នំពេញថែមទាំងនិយាយថាការមិនដំឡើងថ្លៃសេវាជញ្ជូនគឺជាការធ្វើបុណ្យដាក់ទាននៅពេលបុណ្យប្រពៃណីភ្ជុំបិណ្ឌ។ ការដំឡើងថ្លៃសេវាកម្មដឹកជញ្ជូនជ្រុលហួសហេតុពេកវានឹងបង្កគ្រោះថ្នាក់ចរាចរណ៍ពីព្រោះអ្នកក្រីក្រត្រូវតែបង្ខំចិត្តជិះប្រជ្រៀតគ្នាទាំងលើដំបូលនិងកន្ទុយឡាន។ សេចក្តីអំពាវនាវបានធ្វើឡើងដូចគ្នាដែរក្នុងចំណោមអ្នកជំនាញវិស័យទេសចរណ៍។ ពួកគេបានអំពាវនាវដល់អ្នកលក់ដូរនៅក្នុងតំបន់កំសាន្តនានាកុំអោយដំឡើងថ្លៃម្ហូបអាហារជ្រុលពេកនៅក្នុងពិធីបុណ្យភ្ជុំបិណ្ឌ។ ការដំឡើងថ្លៃជ្រុលពេកគឺជាការបណ្តេញភ្ញៀវអោយចាកឆ្ងាយពីតំបន់កំសាន្តរបស់លោកអ្នក។ ការអំពាវនាវរបស់អាជ្ញាធរនិងអ្នកជំនាញបានធ្វើឡើងជារឿយៗមែន។ ប៉ុន្តែតម្លៃសេវាកម្មនិងទំនិញនៅតែត្រូវបានគេដំឡើងដដែល។ តើមូលហេតុអ្វីបានជាអ្នកជំនួញដំឡើងថ្លៃនៅពេលបុណ្យទានធំៗ? តើគេអាចប្រើប្រាស់វិធានការនានាដើម្បីបញ្ចុះតម្លៃបានឬទេ? អ្នកជំនួញខាងសេវាកម្មដឹកជញ្ជូនបានពន្យល់ថា ការដំឡើងថ្លៃនេះគឺបណ្តាលមកពីមូលហេតុមួយចំនួនក្នុងនោះមាន៖ទីមួយ៖គឺដោយសារនៅពេលបុណ្យភ្ជុំបិណ្ឌរថយន្តដឹកជញ្ជូនប្រជាពលរដ្ឋ ដឹកបានតែពីទីក្រុងភ្នំពេញ ទៅកាន់ខេត្តនានារីឯពេលត្រលប់មកកាន់ទីក្រុងវិញ រថយន្តដឹកមនុស្សបានចំនួនតិចតួចប៉ុណ្ណោះ។ អ៊ីចឹងហើយ ទើបម្ចាស់រថយន្តសម្រេចចិត្តដំឡើងថ្លៃសេវាស្ទើរជាងពាក់កណ្តាលនោះ។ ម្យ៉ាងវិញទៀត កម្មករសេវាកម្មដឹកជញ្ជូនមួយចំនួនសុំដំឡើងប្រាក់ឈ្នួលការងាររបស់ខ្លួននៅក្នុងថ្ងៃបុណ្យទាន ដូច្នេះ ថៅកែក្រុមហ៊ុនរថយន្តត្រូវតែដំឡើងថ្លៃបន្ថែម។ ហើយតម្លៃបន្ថែមនេះវាធ្លាក់មកដល់អ្នកប្រើប្រាស់។ ចំពោះថ្លៃម្ហូបអាហារនិងសេវាកម្មវិញ អ្នកជំនួញមួយចំនួនបានផ្តល់ហេតុផលថា ក្នុងថ្ងៃធម្មតា ពួកគេរកប្រាក់ចំណូលបានសម្រាប់តែចំណាយទៅវិញប៉ុណ្ណោះ។ អ៊ីចឹងហើយបានជាថ្ងៃបុណ្យទានធំៗ ពួកគេត្រូវតែដំឡើងថ្លៃបន្តិច។ ប្រសិនបើពួកគេគ្មានថ្ងៃត្រូវប៉ាន់ទេនោះ ប្រហែលជាអាជីវកម្មរបស់ពួកគេក្ស័យធនអស់ទៅហើយ។ ថ្ងៃបុណ្យទានគឺជាពេលវេលារកប្រាក់ចំណេញដើម្បីទប់ថ្ងៃលក់មិនដាច់នាខែកន្លងមក។ ហេតុផលខាងលើនេះគឺមានមូលដ្ឋានច្បាស់លាស់។ ប៉ុន្តែស្ថានភាពនៅកម្ពុជាខុសគ្នាពីស្ថានភាពនៃប្រទេសអភិវឌ្ឍន៍មួយចំនួន។ នៅក្នុងប្រទេសជឿនលឿនមួយចំនួន របៀបធ្វើទីផ្សាររបស់គេគឺគេបញ្ចុះតម្លៃនៅពេលមានពិធីបុណ្យទានធំៗពីព្រោះពេលនេះគឺជាឧិកាសផ្សព្វផ្សាយផលិតផលរបស់គេអោយកាន់តែលក់ដាច់ថែមទៀត។ លក់ដាច់ច្រើនចំណេញតិច មានន័យស្មើនឹងចំណេញច្រើន។ ងាកមកឆ្លើយនឹងសំណួរដែលសួរថា តើអាជ្ញាធរអាចមានវិធានការដាក់គំនាបទៅលើឈ្មួញដែលដំឡើងថ្លៃទំនិញនិងសេវាកម្មបានដែរឬទេ? ចម្លើយគឺថា មិនអាចធ្វើបានទេពីព្រោះនេះជារបបទីផ្សារសេរី … Continue reading
បញ្ញវន្តខ្មែរ Khmer Scholars
- FIFA Master Scholarships 2 ខែតុលា 2011 បញ្ញវន្តខ្មែរ-KhmerScholars
- The World Bank Internship Program 2 ខែតុលា 2011 បញ្ញវន្តខ្មែរ-KhmerScholars
- Japan Rotary Yoneyama Scholarship for Applicants Residing Abroad 2 ខែតុលា 2011 បញ្ញវន្តខ្មែរ-KhmerScholars
- University of Tokyo Scholarships for Master of Public Policy, International Program (MPP/IP) 2 ខែតុលា 2011 បញ្ញវន្តខ្មែរ-KhmerScholars
- Scholarships at the Institute for Media Innovation at Nanyang Technological University 2 ខែតុលា 2011 បញ្ញវន្តខ្មែរ-KhmerScholars
Blogspot របស់ខ្ញុំ
- Jailbreak iPhone, iPad, iPod IOS 5.0.1 27 ខែធ្នូ 2011 Phalla
- How to Erase and Install Mac OS X v10.6 Snow Leopard 27 ខែធ្នូ 2011 Phalla
- iPhone 4S 5 ខែតុលា 2011 Phalla
- Configuration Cisco VPN client for Mac 10.7 or Lion 5 ខែសីហា 2011 Phalla
- SPSS 18 for Mac 24 ខែមេសា 2011 Phalla
